بە ڕاپۆرتی ئاژانسی هەواڵی مێهر، حسێن ئەمیرعەبدوڵڵاهیان، لە یەکەم کاردانەوەی خۆیدا بەرامبەر بە دەسپێکی ئاگربەست لە غەززە، وتی: سەرەتا دڵخۆشین کە تاوانەکانی ڕژێمی زایۆنی لە دژی گەلی ستەملێکراو و خۆڕاگری غەززە لانیکەم ڕاوەستاون بۆ چەند ڕۆژێک .
وتیشی: هەوڵەکانی دوو ڕۆژی ڕابردوومان بە ئامانجی ڕاگرتنی ئەو تاوانانە بوو، هیوادارین لەمەودوا ناوچەکە بچێتە ناو لاپەڕەیەکی نوێ بۆ ئاسایش و سەقامگیری.
وەزیری دەرەوەی وڵاتەکەمان سەبارەت بە دیدارەکەی لەگەڵ ئیسماعیل هەنیە لە قەتەر وتی: ئیسماعیل هەنیە هەر لە یەکەم ڕۆژەوە دەیەویست زیندانییە سڤیلەکان ئازاد بکرێن، بەڵام لایەنی ئیسرائیل ڕێگری لەم بابەتە کرد بۆ ئەوەی بیانووی شەڕی هەبێت.
وتیشی: هەڵسوکەوتی حەماس لۆژیکی و مرۆڤدۆستانەیە، هیوادارم دوای ئازادکردنی ژن و منداڵی فەلەستینی و ئاڵوگۆڕی دیلەکانی ئیسرائیل، ناوچەکە بچێتە قۆناغێکی نوێوە.
Your Comment